Фудбалската репрезентација на Македонија има црна серија од пет натпревари по ред без постигнат гол, а иако голманот Столе Димитриевски рече дека мора да се подобриме во одбрана како прв предуслов за подобри резултати, јасно е дека и нападот ни е очаен.
Синоќа против Швајцарија, немавме ниту еден шут во рамки на голот. Само Македонија и полуаматерската селекција на Сан Марино која загуби 0-7 од Финска, беа безопасни и немаа шут во рамки на гол за 90 минути. Сите други европски репрезентации ги загрозуваа противничките голови.
Јасно е дека Швајцарија и ваква некомплетна е поквалитетен тим, но оставаме лоша слика. Посакуваме против Словенија да биде подобро и конечно да дадеме гол кој го чекаме 10 месеци. Откако Гоце Седлоски е селектор, Македонија не постигнала гол. Проблемите со ефикасноста почнаа и нешто порано, со Благоја Милевски како селектор. На последните девет меча дадовме вкупно само два гола, откако претходно против Лихтенштајн постигнавме пет.
Од нашите напади се одбрани и една Летонија, а со Казахстан дадовме само еден гол. На сите други средби игравме и со противници кои се прес нас на ФИФА листата, па можеби и не е изненадување што покажуваме офанзивна немоќ.
Извор: sportmanija.mk
