Синдикатите со два одделни првомајски маршеви во Скопје, полицијата најави посебен сообраќаен режим

May 1, 2023
1 min read

КСС и ССМ најавија два оддели протестни маршеви по повод 1 Мај. Двата протести, пак, ги поддржаа од Конфедерацијата на синдикални организации на Македонија порачувајќи дека е крајно време за обединување

Со два оддели маршеви, двата најголеми синдикати во земјава денеска ќе го одбележат 1 Мај – Меѓународниот ден на трудот. Конфедерацијата на слободни синдикати (КСС) ќе го започне маршот во 10 часот, а Сојузот на синдикати на Македонија (ССМ) во 12 часот, и на нив ќе излезат со барања за зголемени и достоинствени плати за работниците, пристојно работно време и почитување на колективните договори.

Поддршка на двата синдикалните протести најавија и од Конфедерацијата на синдикални организации на Македонија (КСОМ) од каде порачаа дека е крајно време да се обединат сите синдикати. Оттаму порачаа дека нивните членови може да протестираат од 10 до 14 часот и да им се придружат и на ССМ и на КСС.

Додека траат протестните маршеви, од скопската полиција најавија дека во главниот град ќе има посебен сообраќаен режим на неколку сообраќајници во центарот на Скопје.

Одд 10 до 12.30 часот ќе има посебен сообраќаен режим поради маршот на КСС кој ќе биде со траса на движење од пред канцелариите на Конфедерацијата на улица „50 Дивизија“, по улица „Јордан Мијалков“, булевар „Климент Охридски“ па се до пред Владата на булевар „Илинден“.

Маршот на ССМ, пак, закажан за напладне, ќе почне од пред зградата каде се просториите на Сојузот на синдикати на Македонија на улицата „Мирче Ацев“, од каде ќе продолжи кон Собранието по улиците „Филип Втори Македонски“, „11 Октомври“ и „Димитрија Чуповски“, потоа кон седиштето на Стопанската комора на Македонија и ќе заврши на булевар „Илинден“ пред Владата.

Од МВР апелираа сите учесници во сообраќајот да ги почитуваат наредбите кои ќе ги даваат полицајците.

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

ФОТО: Првото одбележување на денот на трудот во Скопје

Следно

Курти: Нема да дозволиме нова Република Српска во Косово

Latest from Blog

Напад со нож пред српското Собрание, едно лице тешко повредено

Припадните на полициските интервентни единици кои го обезбедуваат т.н. „Чациленд“ пред Собранието на Рсбија, уапсиле маж, кој, според Министерството за внатрешни работи нападнал жител на оваа шаторска населба. „Припадници на интервентните единици

Јаневска: Сојузништвото меѓу наставниците, родителите и заедницата е клучно за развој на просперитетни генерации со емпатија и критичко размислување

Наставниците се вистински магионичари – не само во однос на знаењето што го пренесуваат, туку и во обликувањето на карактерот и развојот на децата во целина. Тие ги поттикнуваат да размислуваат храбро,

Швајцарците гласаат за воведување граѓанска служба и за данок на наследство

Анкетите пред изјаснувањето покажуваат дека двата предлога ќе бидат отфрлени. Со првата иницијатива се предлага задолжителна служба за сите, или во војската или во службите за помош при катастрофи, но и во
Go toTop