Екипата на ТФТ ќе го предизвика МЗТ Скопје во годинешното финале од македонскиот кошаркарски плејоф.
Кошаркарите на ТФТ Скопје стигнаа до трета победа над Работнички (73-92) и се пласираа во финалето на Првата македонска лига.
Избраниците на Боро Смилковски третпат во исто толку натпревари го надиграа градскиот ривал, првпат како гостин и без поголеми потешкотии си обезбедија серија во која ќе го предизвикаат МЗТ Скопје за трофејот.
ТФТ во финалето ќе се обиде да ја прекине доминацијата на МЗТ Скопје, додека Работнички против МКК Куманово ќе се бори за третото место на крајот од сезоната.
Тимот од Градски парк последен пат играше во финалето во 2019 година, а последната титула е освоена година претходно.
Воведните два меча ќе се играат на теренот на актуелниот шампион во Аеродром и тоа во помалку невообичаени денови – четврток (22 мај) и понеделник (26 мај) со почеток од 19.30 часот.
Поради желбата на сите инволвирани во кошаркарскиот спорт најважните мечеви да се играат со пренос на националниот сервис.
Симпатичните кошаркари на тимот од Тафталиџе потенцираат дека: Ова не е само победа. Ова е момент што се памети! За историско финале на ТФТ!
Извор: kurir.mk
