Македонската сениорска кошаркарска репрезентација доби значително засилување. Теодор Симиќ, највисокиот играч во ростерот, денеска им се приклучи на соиграчите во базата во Гевгелија.
Со неговото доаѓање, селекторот Марјан Илиевски добива важна опција во внатрешната линија, токму на позицијата каде што најмногу недостасуваше висина во првите денови од подготовките.
Симиќ веднаш ќе влезе во тренажниот процес и конкуренцијата за место под обрачите. Тој е и првиот “домашен” играч од списокот кој Илиевски го објави пред почетокот на подготовките, што дополнително го олеснува процесот на адаптација. Вториот дел од минатата сезона го мина во редовите на Кожув, па со враќањето во Гевгелија, Симиќ се чувствува како на своја територија.
Извор: kurir.mk
