МОСКВА (АА) – Силна експлозија одекна во фабрика во градот Сергиев Посад, 74 километри североисточно од главниот град на Русија, Москва, пренесува Анадолу.
„Експлозијата се случи во оптичко-механичката фабрика ‘Загорск’ во подрачјето на котларницата. Од експлозијата се искршија прозорците на неколку куќи во различни делови на градот“, објави руската државна новинска агенција ТАСС, повикувајќи се на извори од службата за итни случаи.
Раководството на фабриката најави евакуација на сите згради и работилници.
Гувернерот на Московската Област, Андреј Воробјов, рече дека бил на пат кон местото на експлозијата.
