Денеска во земјава со пригодни настани се одбележува Денот на сесловенските просветители светите браќа Кирил и Методиј, кои се основоположници на словенската писменост и литература и се заслужни за културниот развој на сите словенски народи.
Претседателката Гордана Сиљановска Давкова која ја предводи државно-црковната делегација во Рим се поклони пред гробот на Свети Кирил и положи цвеќе пред спомен-плочата на македонски јазик во чест на делото на светите браќа Кирил и Методиј која се наоѓа во базиликата „Санта Марија Маџоре“. Од Рим порача дека Кирил го вградил не само својот живот, туку и нашиот во Европа и тоа мора да го почитуваме.
Митрополитот европски, владиката Пимен, кој заедно со митрополитот дебарско-кичевски Тимотеј, го водеше молебенот пред гробот на Свети Кирил, порача дека овој настан се организира по 56 пат и особено е значаен од теолошка смисла.
Извор: 24vesti.mk
