28-годишната ѕвезда, номинирана за наградата Еми, блесна во елегантен розов фустан на премиерата на филмот „Кристи“, која се одржа вчера вечер во лондонската Кралска фестивалска сала, пишува Just Jared.
Се појави во елегантен фустан
За црвениот тепих, Свини избра розов фустан со лелеаво, проѕирно здолниште и го комплетираше изгледот со мека, гламурозна шминка. Фустанот е комбинација од сатен и чипка. Таа се појави на сцената заедно со своите колеги, а зборуваше и за тоа како тешката улога во филмот „Кристи“ целосно ѝ го промени животот.
„Искрено, тоа е многу голем товар. Ја чувствувам важноста на нејзината приказна и што значи за другите луѓе. Таа е голем борец и ме инспирира и јас да станам застапник“, рече Свини, додавајќи: „Се здебелив 16 килограми и поминав низ многу интензивна физичка трансформација. Но, се чувствував силна, можеби скршив нечиј нос.“
Приказната за Кристи Мартин
Филмот ја раскажува приказната за Кристи Мартин (Сидни Свини), која никогаш не го замислувала животот надвор од својот мал град во Западна Вирџинија, сè додека не открила талент за бокс. Таа влегува во светот на боксот со својот сопруг Џим (Бен Фостер), а во исто време се соочува со семејни проблеми и со сопствениот идентитет. Филмот излегува во кината на 6 ноември.
Извор: vecer.mk
