Украинскиот претседател Володимир Зеленски денеска изјавил дека стравува од губење на двопартиската поддршка во САД, откако добил, како што ги нарекува „опасни пораки кои доаѓаат од некои Републиканци“, пренесува Си-Ен-Ен.
„Мајк Пенс не посети и тој ја поддржува Украина. Првенствено како Американец, а потоа и како Републиканец. Имаме двопартиска поддршка. Сепак, има различни пораки од нивните кругови кога станува збор за поддршка на Украина. Има пораки кои доаѓаат од некои Републиканци, некогаш опасни пораки, дека подршката може да се намали“,
ја пренесува Си-Ен-Ен изјавата на претседтелот на Украина, Володимир Зеленски.
Оваа изјава Зеленски ја дал за шпанските медиуми кои ја следат посетата на шпанскиот премиер Санчез на Украина. Во истата прилика, украинскиот претседател кажал и дека независно кој ќе победи на следниот претседателски избори во САД, задржувањето на двопартиската поддршка е „најважното нешто за Украина“.
Во својот текст, Си-Ен-Ен потсетува дека прашањето дали САД треба да продолжат да ја поддржуваат Украина во борбата против руската инвазија веќе предизвиува поделби во Републиканската партија. Општо земено, има два „кампа“. Едниот е предводен од поранешниот претседател Доналд Трамп и гувернерот на Флорида, Рон де Сантис, имаат став дека САД се премногу вмешани во поддршката на обидите на Украина да ја одбие руската инвазија. Другиот камп го предводат повеќе поранешни функционери во администрацијата во Трамп, кои се залагаат за уште поагресивен став кон Русија.
Извор: 360stepeni.mk
