Факт е дека недовербата кон институциите кои што треба да прават контрола, особено во делот на животната средина, е она што им прави недоверба на граѓаните кога започнува еден ваков процес, изјави Каја Шукова од СДСМ во вечерашната дебата во „Топ тема“ на ТВ Телма за најавите за рестартирање на рудникот Крстов Дол кај Крива Паланка, каде се планира експлоатација на антимон.
„Факт е дека рударството може да придонесе како економска гранка за развој на одредени средини, особено помалите средини. Меѓутоа дали како општество, земајќи во предвид дека со години наназад укажуваме дека институциите треба да ни се зајакнат и се многу слаби, особено во делот на инспекцискиот надзор, дали сме спремни како држава. И заради тоа мислам дека недовербата кај граѓаните ќе продолжи и понатаму“, смета Шукова.
Извор: zurnal.mk
