Што се Брахицефаличен синдром и дискус хернија болести кои се почесто ги напаѓаат домашните миленици

January 25, 2025
2 mins read

Во последно време, ветеринарната медицина во Македонија се соочува со сè поголем број случаи на брахицефаличен синдром и дискус хернија кај домашните миленици, особено кај популарните раси на кучиња и мачки. Овие состојби не само што претставуваат сериозна загриженост за здравјето на миленичињата, туку и за нивните сопственици кои се соочуваат со потребата од навремена интервенција и третман. За овие здравствени проблеми и начините за нивно справување, разговаравме со проф. д-р Пламен Тројачанец, раководител на Универзитетската ветеринарна болница при Факултетот за ветеринарна медицина во Скопје.

-Брахицефаличниот синдром претставува вроден проблем со дишните патишта кој се јавува кај раси со кратка муцка, како што се булдог, пекинезер, боксер и слично. Оваа состојба обично води до потешкотии при дишењето, што се манифестира со хрчење, отежнато дишење, како и нетолеранција на топлина. Поради изобличената структура на горните дишни патишта, животните често страдаат од недоволно снабдување со кислород, што може да доведе до сериозни здравствени последици ако не се интервенира навремено, вели проф. д-р Тројачанец.

Тој нагласува дека животните со оваа состојба многу често не покажуваат јасни знаци на сериозност, што доведува до доцна дијагноза.

-Во почетните фази, сопствениците можат да забележат само хрчење или незначително отежнато дишење, што често се занемарува како нормално. Меѓутоа, како што состојбата напредува, симптомите стануваат посериозни и животното може да има значителни потешкотии во дишењето, особено во топло време, додава проф. д-р Тројачанец.

Како што појаснува, лекувањето на брахицефаличниот синдром вклучува хируршка интервенција, која се користи за коригирање на анатомските абнормалности кои предизвикуваат блокади во дишните патишта. Се изведува операција за намалување на издувеното непце и за проширување на ноздрите, што дозволува подобро проток на воздух. Иако не е секогаш потребна хирургија во сите случаи, таа е најефикасниот начин за подобрување на состојбата на животните кои се сериозно погодени.

-Со другата сериозна состојба, дискус хернијата, се среќаваме кај кучиња со подолг и слабо развиен ‘скелет’, како што се бигли и јазовичари. Во оваа болест, интервертебралните дискови помеѓу пршлените се сушат и деформираат, што може да доведе до болки, како и до сериозни невролошки проблеми, ако се остави без третман. Ветеринарите истакнуваат дека оваа болест често се јавува во помала или поголема форма кај возрасни животни, при што симптоми како болки во грбот, тешкотии при движење и понекогаш парализа на задните нозе стануваат видливи.

Како што објаснува проф. д-р Тројачанец, успешноста на третманот за дискус хернија значително зависи од брзината на дијагностицирање и интервенција.

-Доколку болеста не се дијагностицира навремено, животните може да доживеат значително намалување на квалитетот на живот, а понекогаш и целосна парализа“, вели проф. д-р Тројачанец.

Третманите за дискус хернија најчесто вклучуваат хируршка операција за отстранување на оштетениот диск, како и физиотерапија за рехабилитација на животното.

-Неопходно е да се истакне дека и двете состојби, и брахицефаличниот синдром и дискус хернијата, можат да се избегнат или да се минимизираат со рана интервенција и редовни здравствени прегледи. Сопствениците на домашни миленици треба да бидат внимателни на раните знаци и симптоми и веднаш да се консултираат со ветеринар во случаи на забележување на било какви абнормалности во здравјето на нивните миленици. Професионалната дијагноза и навремениот третман се клучни за успешна рехабилитација и задоволување на потребите на животното“, додава проф. д-р Тројачанец.

ИЗВОР: racin.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Со „паметни часовници“ до автоматски повик на 112 во ЦУК – надоградувањето на системот продолжува со напредокот на технологијата

Следно

Тешкиот живот на 19 годишна девојка од Скопје, мајката со солзи во очите раскажува: „Ако не се оперира, состојбата ќе се влоши“

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop