Пожарникар од штипската противпожарна единица кој беше повреден за време на гасење на пожарот добил опомена пред тужба поради долг за неговото лекување во штипската Клиничка болница.
Александар Георгиевски на 30 јули се онесвестил при гасење на објект, по што бил извлечен од своите колеги и со Брза помош префрлен во Клиничката болница, каде бил примен на одделението за интензивна нега.
Сега, менаџментот на болницата го опоменува дека откако бил пуштен од болница, Георгиевски не платил 1.250 денари, колку што чинеле здравствените услуги на болницата.
Извор: 24vesti.mk
