Шпанија ќе ја ограничи употребата на вода

1 min read

Шпанските туристички региони Андалузија и Каталонија се соочуваат со недостиг на вода поради малите или никакви врнежи на дожд, па во текот на претстојното лето имаат намера да ја ограничат потрошувачката на вода од локалното население и туристите, најавија нивните власти.

Во јануари температурите во крајбрежните региони достигнаа 30 Целзиусови степени, што досега беше невидено, објави метеоролошката служба АЕМЕТ.

„Со оглед на тоа што не врнеше дожд во ноември, декември и во јануари, се соочуваме со исклучително тешка ситуација“, изјави Хуанма Морено, претседател на регионалната влада на Андалузија.

Во оваа најнаселена шпанска провинција 8,5 милиони жители традиционално живеат од земјоделство и туризам. Во нејзините акумулирани езера, од каде што се снабдуваат домаќинствата со вода, нивото на водата падна на 20 отсто од капацитетот, а некаде под 10 отсто.

„Луѓето мора да бидат подготвени за ограничувања ова лето“, рече Морено./makfax

Извор: alsat.mk

Прикажи све
Претходно

Палестинските бегалци во Рафа велат дека повеќе би сакале да умрат отколку да го напуштат Појасот Газа
Следно

Вооружен маж упадна во бродска компанија во Атина и уби три лица

Latest from Blog