Шефовите на дипломатиите на земјите членки на НАТО на неформален состанок во Норвешка

May 31, 2023
1 min read

ОСЛО (АА) – Неформален состанок на министрите за надворешни работи на земјите членки на НАТО ќе започне денес во главниот град на Норвешка, Осло, јавува Анадолу.

Со дводневниот состанок ќе претседава генералниот секретар на Алијансата, Јенс Столтенберг.

Состанокот во Осло ќе започне со прес-конференција во 14:30 часот по локално време.

На врвот на агендата на состанокот ќе бидат тензиите во Косово и поддршката за Украина. Според Столтенберг, Алијансата исто така ќе се подготвува и за Самитот на НАТО во Литванија што ќе се одржи од 11 до 12 јули.

Приемот на Шведска во НАТО по Финска, исто така, ќе биде еден од приоритетите на состанокот.

Овој состанок ќе го одбележи второто учество на Финска како земја членка на состаноците на НАТО.

Вчера Столтенберг повика на прекин на тензиите на Косово, каде при судир на демонстрантите и полицијата беа повредени најмалку 30 војници на НАТО.

Тој најави распоредување на дополнителни 700 НАТО-војници на Косово поради тековните тензии, додавајќи дека Алијансата ќе стави во зголемена готовност баталјон од резервните сили за да може да биде распореден доколку има потреба.

Во врска со кандидатурата на Шведска за членство во НАТО, Столтенберг рече дека таквата одлука е „апсолутно можна“ пред самитот во Литванија, нагласувајќи дека шест недели се доволно долг период за да се реализира членството.

Столтенберг, исто така, на Твитер напиша: „Во близок контакт сум со турските власти за Шведска да се придружи што е можно поскоро.“

Шведска минатиот ноември усвои антитерористички закон, надевајќи се дека Анкара ќе ја одобри кандидатурата на Стокхолм за членство во НАТО. Новиот закон, што стапува на сила на 1 јуни, ќе им овозможи на шведските власти да ги процесуираат поединците кои поддржуваат терористички организации.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Повлечени се преку 300 студии за ковид

Следно

Поранешниот пакистански премиер Кан доби продолжување на кауцијата за седум случаи

Latest from Blog

Ехо и уролошки прегледи на повеќе од 70 пациенти: Нелоска со благодарност до доктори и градоначалници

Многу успешно одбележување на МОВЕМБЕР во ЈЗУ СБГПМ 13 Ноември Скопје, вели директорката на установата, Ленче Нелоска. -Беа направени ЕХО и уролошки прегледи на повеќе од 70 пациенти. Голема благодарност до Д-р

ЗА ДА ПРИВЛЕЧЕ СРЕЌА, ЗДРАВЈЕ И ПАРИ: Каде треба да стои новогодишната елка и како да се украси?

Новата година носи нова енергија, а украсувањето на елката според принципите на фенг шуи може да ви помогне да внесете просперитет, здравје и хармонија во вашиот дом! Влегувањето во новата година е

Трамп: Воздушниот простор над и околу Венецуела ќе биде целосно затворен

Американскиот претседател Доналд Трамп денес објави дека воздушниот простор над и околу Венецуела ќе биде целосно затворен. „Порака до сите авиокомпании, пилоти, дилери на дрога и трговци со луѓе: Ве молиме размислете

ИЈЗ: Не се пронајдени тешки метали во водата од ОУ „Димо Хаџи Димов“, фекални бактерии има во мусаката и кујната

Институтот за јавно здравје (ИЈЗ) денеска информира дека целосно се завршени анализите на мострите од вода земени од ОУ „Димо Хаџи Димов“ и оти физичко-хемиската анализа и микробиолошката анализа на водата се
Go toTop