МОСКВА (АА) – Шефот на Руската служба за надворешно разузнавање (СВР), Сергеј Наришкин, денес изрази подготвеност да се сретне со Џон Ретклиф, новиот директор на американската ЦИА, доколку САД изразат интерес за таков состанок, пренесува Анадолу.
„Секогаш сме подготвени за преговори“, рече Наришкин на прашањето на државната новинска агенција Тас за евентуалните разговори.
За тековните контакти меѓу СВР и ЦИА, тој рече: „Имаме официјален претставник во Вашингтон, а Централната разузнавачка агенција има официјален претставник во Москва“.
Изјавата уследи по вчерашното положување заклетва на Џон Ретклиф на позицијата директор на ЦИА. Ретклиф (59) служеше како директор на националното разузнавање за време на првата администрација на Трамп, на функцијата беше од 26 мај 2020 година до 20 јануари 2021 година. Пред тоа, тој околу пет години беше член на Конгресот.
Извор: Anadolu Agency (AA)
