АНКАРА (АА) – Северна Кореја денес истрела две балистички ракети со краток дострел кон Источното Море, соопштија Јужна Кореја и Јапонија, пренесува Анадолу.
Главниот секретар на јапонскиот Кабинет, Хироказу Мацуно, на прес-конференција во Токио изјави дека повторените акции на Пјонгјанг „претставуваат закана за мирот и безбедноста“ на овој регион.
Пјонгјанг го извршил лансирањето на ракетите во време кога американскиот носач на авиони на нуклеарен погон планира да одржи заеднички вежби во водите во близина на полуостровот.
Според јапонското Министерство за одбрана, „ракетите најверојатно паднале надвор од ексклузивната економска зона на Јапонија“, објави јапонската јавна радиодифузна мрежа НХК (NHK).
„Ракетите летаа околу 370 километри пред да паднат во морето“, соопшти началникот на Здружениот генералштаб на војската на Јужна Кореја, додавајќи дека лансирањето од областа Чунгува во покраината Северна Хвангае е регистрирано во периодот помеѓу 7:47 и 8 часот наутро по локално време“, објави новинската агенција Јонхап со седиште во Сеул.
Последното лансирање на ракети од Пјонгјанг се случи неколку дена откако Јужна Кореја и САД ја започнаа вежбата за амфибиско приземјување „Сангјонг“ (Двоен змеј) минатата недела.
Вежбата треба да заврши следниот понеделник.
Извор: www.aa.com.tr
