Андреја Серафимовски од Здружение на гардежништво во Отворено рече дека, британскиот заем е за поздравување бидејќи ќе се работи nа проекти кои се значајни за државата.
Според него, најважно е да се гради за да се развива државата.
„Го поздравувам овој заем иако ги немаме сите податоци за да коментираме. Ние го поздравуваме бидејќи се работи во инфраструктурни проекти кои се потребни за наслението. Одбрани се проекти за кои македонските гардежници немаат капацитети. Ние изгубивме 7 години и баравме да имаме пдодршка од државата но не најдовме разбирање. Во делот на железници немаме ниту знаење ниту искуство и се надевам дека за разлика од другите договори каде повеќе работат македонските работници од другите овој пат нема да е така. За поздравување е и вложувањето во здравствените и образовните институции.Ние не градиме за да изградиме туку градиме за да се развиваме“, рече Серафимовски.
Тој зборуваше и за тоа дека капацитетите во градежниот сектор во последните години се изгубени.
„Градежништвото изгуби поради тоа што немаше никаква стратегија. Ако зборуваме за градежништво, зборуваме за најслабо градежништво во историјата на државата.Ги изгубивме капацитетите со текот на времето. Отсуствуваше долгорочна стретагија особено во последните 10 години. Броиме околу 47 000 вработени. Имавме потенцијал, го изгубивме и сега мора да се развиеме. Можеме да се развиеме со мали мерки“, додаде Серафимовски.
Извор: 24vesti.mk
