Потесното раководство на Алијанса за Албанците, крилото на Села и ДУИ се сретнаа во Тетово за да дебатираат за актуелните политички настани.
Зијадин Села, вели дека двете партии размениле информации со цел да преземат мерки и да не продолжи, како што рече, играта или тактизирањето за да се избегне нарушување на положбата на Албанците.
Села негираше дека постои можност за соработка со парламентарното мнозинство, а додаде дека фокусот на Европски фронт е да ги објасни дилемите за уставните измени.
Што се однесува до прашањето дали Таравари може да стане дел од Европски фронт, Села рече дека овие дилеми треба да ги разјазни лично Таравари.
„Почекајте првично дилемите да ги разјасни самиот г. Таравари потоа и јас ќе дадам одговор бидејќи тој го менува ставот многу брзо, еднаш вака еднаш така, не можеме да ги следиме неговите лаги“, вели Села за ТВ21.
ИЗВОР: ТВ 21
