Безживотните тела на уште три лица биле извлечени од морскиот дел северно од грчкиот остров Лезбос, со што бројот на загинати откако чамец со бегалци и мигранти се преврте, се зголеми на седум, а спасени се 23 лица, јави дописничката на МИА од Атина.
Од Крјабрежната служба информираа дека од рано утрово во тек е спасувачката акција во вода, на копно и од воздух, вклучени се три патролни бродови, еден брод што плови во близина, четири возила и хеликоптер на военото воздухопловство.
Спасени се 23 бегалци и мигранти, првично беа извлечени четири безживотни тела, а подоцна уште три, додека акцијата продолжува за пронаоѓање на исчезнати.
Според грчките медиуми во чамецот имало 31 лице.
Извор: kurir.mk
