Узурпацијата на државното земјиште стана честа појава. „Силните“ узурпираат јавни простори без да размислуваат за попречување на движењето и зголемување на хаосот во градовите. Вакви случаи во Кичево има доволно и во градот и во селата. Станува збор за поставување на маси од барови на тротоари, узурпирање згради, узурпирање од страна на бизнисмени кои ги отвориле своите продавници на тротоари и улици. Од канцеларијата на Народниот правобранител во Кичево велат дека на државно ниво се пријавени околу 110 случаи, додека во Кичево 20 случаи во текот на 2024 година.
„Во однос на поплаките поврзани со проблемите во градот Кичево, често се среќаваме со преголеми или неовластени градби на државни имоти, поточно на тротоари, проширување на разни стопански или приватни објекти, користење на тротоари, што е голема грешка на градежниците бидејќи е јавна сопственост во интерес на граѓаните“, вели Илбер Руфати, заменик на Народниот правобранител.
Со ова прашање најмногу се занимава Јавното правобранителство за заштита на државен имот. Ни потврдија дека има многу предмети кои се поднесени и дека се работи на нив.
-Во периодот 2022-2025 година во Државното правобранителство во Кичево се поднесени 24 предмети поврзани со узурпација на државно земјиште во превентивна постапка и 33 предмети за постапување по службена должност и врз основа на пријави на странките или вкупно 57 предмети, вели Станко Китановски, државен правобранител.
Од Државното правобранителство велат дека во овие постапки, иако земјиштето е во сопственост на државата, има преклопување на надлежностите поради децентрализацијата со општините. Сепак, треба да се напомене дека меѓусебната соработка на ова поле за сузбивање на овие појави не е на задоволително ниво и има простор за подобрување и натамошна координација на повисоко ниво.
Во последно време, во недостиг на доверба во институциите, многу граѓани се обратија и до редакцијата на ТВ21 со поплаки за узурпации или слични случаи.
ИЗВОР: ТВ 21
