Еден работник е хоспитализиран со сериозни повреди по делумното уривање на средновековна кула која била во фаза на реновирање во центарот на Рим, во близина на Колосеумот, објави новинската агенција АНСА.
Двајца други работници претрпеле полесни повреди и одбиле да бидат префрлени во болница.
Портпаролот на Националната противпожарна служба, Лука Кари, претходно за Ројтерс изјави дека службите за итни случаи работат на извлекување на едно лице заробено под урнатините.
Кулата Торе деи Конти, висока 29 метри, се наоѓа на Виа деи Фори Империјали, широк булевар што води од централната Пјаца Венеција до Колосеумот.
Објектот не е во употреба од 2006 година, но на него се изведуваат работи како дел од четиригодишен проект за реновирање, кој, според градските власти на Рим, треба да биде завршен следната година.
Извор: tv21
