Тој е дом на племето Сентинел, за кое се верува дека брои само околу 150 луѓе.
Нивниот јазик и обичаи се мистериозни, тие избегнуваат секаков контакт со надворешниот свет и се непријателски настроени кон секој што ќе се обиде да им се приближи, па љубопитноста може да ги чини живот.
Неодамна се појави снимка од авион што лета над островот, ретка глетка бидејќи патувањето во рамките на пет километри од островот е забрането со цел да се заштитат домородните луѓе од надворешни болести и да се зачува нивниот начин на живот.
Rare footage of a plane flying over North Sentinel Island.
It is considered one of the most dangerous places in the world, where anyone who visits this island has a high chance of dying.pic.twitter.com/67SmTzKIE8
— Massimo (@Rainmaker1973) August 20, 2025
Сентинелците се едно од последните целосно изолирани племиња на Земјата и живеат вака веќе 60.000 години, пренесе Јутарњи.
Оние што го посетиле островот не се вратиле живи, освен една среќна група индиски научници на почетокот на 1990-тите. Една од главните причини за забраната за пристап до островот е тоа што племето никогаш немало контакт со болести што влијаат на човештвото.
Нивниот имунолошки систем никогаш не бил изложен на грип или настинки, па затоа се исклучително ранливи. За време на британска експедиција во 1880 година, островјаните биле киднапирани, но подоцна се разболеле и починале во Порт Блер. Навидум безопасна настинка може да предизвика смртоносна епидемија на островот, загрозувајќи ја целата заедница.
Низ историјата, вооружени со лакови, стрели и копја, тие напаѓале бродови, хеликоптери и поединци кои доаѓале на нивните брегови. Двајца рибари загинале во 2006 година откако еден брод случајно им се приближил, а американскиот мисионер Џон Ален Чоу ја доживеал истата судбина во 2018 година кога се обидел да изврши неовластена мисионерска мисија, иако неговите намери биле мирни.
Извор: vecer.mk
