Напаѓачите седеле во автомобил од кој излегле кога забележале дека се приближува возилото во кое патувал Дани. Веднаш отвориле оган врз луѓето во другиот автомобил, а потоа испукале уште неколку кратки рафали.
На снимката се гледа како напаѓачите се приближуваат кон автомобилот во кој патувал Дани и отвораат оган врз него.
Според полицијата, во вторник околу 14:20 часот, се случила пукотница на кружен тек во близина на аеродромот. Се сомнева дека е пукано кон возилото во кое се возеле М.Ш. (околу 40 години) и Гилмандо Дани (околу 47 години).
Во „Мерцедесот“ во кој патувале биле пукани од непознати лица од „Тојота Јарис“, која била пронајдена изгорена во градот Фуш Круја кратко време по инцидентот.
Мафијашот Дани е убиен, додека М.Ш. е ранет и е во болница, под лекарски надзор, во тешка состојба.
Гилмано Дани наводно е „десна рака“ на Емилјан Шулази, добро позната фигура во албанското подземје – поранешен студент по медицина кој стана еден од најпознатите криминални водачи во Албанија. Неговото име со години се поврзува со изнуда, трговија со дрога, заплашување и насилство, особено во Тирана и Драч.
Телевизијата Топ Ченел објави видео на кое се гледаат минувачи и полицајци како се обидуваат да го скршат прозорецот од страната на возачот за да ја отворат вратата одвнатре и да ги извлечат жртвите – убиениот и ранетиот маж.
Извор: vecer.mk
