Воениот пензионер М.Р. (75) од Доњи Матејевац, кој беше
уапсен на 22 јули годинава под сомнение дека ја избодел сопругата М.Р. (74), го
сторил делото поради ментална болест од органско нарушување со заблуда слична
на шизофренија.
Осомничен е дека тој ден пиел кафе со сопругата, по што ѝ
се приближил и ја заклал со нож. Бидејќи вештачењето утврдило дека убиството го
извршил во нездрава состојба, обвинителството предлага да му биде изречена
казна задолжителен психијатриски третман и притвор во здравствена установа.
Злосторството во Ниш се случило на 21 јули 2025 година во
7:10 часот наутро во селото Доњи Метејевац, во семејната куќа каде што живеел
М.Р. со својата сопруга.
– Откако испиле кафе со оштетената, тој ѝ се приближил и
прво ја удрил неколку пати во главата со затворена тупаница, по што ја зграпчил
во вратот и почнал да ја дави, а потоа од кујнската фиока зел кујнски нож со
црна рачка со кој ѝ го пресекол вратот и грлото, од кои повреди оштетената
набрзо подлегнала – наведува Предлогот за изрекување на мерката за безбедност
задолжително психијатриско лекување и притвор во здравствена установа на Вишото
јавно обвинителство во Ниш.
После тоа, обвинетиот М.Р. го измил ножот и го вратил на
местото од каде што го зел, а потоа ја напуштил куќата и отишол кај сосед на
кого му кажал дека ја убил сопругата. Соседот повикал брза помош и полиција,
кои го привеле М.Р. и го задржале во службените простории, а по испрашувањето
во обвинителството, му е одредена мерка притвор.
Извор: vecer.mk
