Маглата е главна но, не и едниствена важна последица на загадувањето што се акумулира во сараевскиот басен со децении. Нивото на токсични честички PM2.5 повремено го надминува дозволеното ниво за десет пати.
Поради екстремно високото загадување на воздухот што предизвика густа магла, денес во Сараево беа откажани авионски летови, властите повикаа децата да останат во своите домови, а жителите на Сараево носеа маски на улиците.
Како што објавија сараевските медиуми, утрово од слојот густа магла што го покри главниот град на Босна и Херцеговина беа видливи само врвовите на солитерите.
Поради маглата, неколку летови од аеродромот во Сараево беа откажани, некои граѓани носеа маски на лицето, а локалните власти, со забрана за градежни работи на отворено, им советуваа на децата да останат во затворен простор.
Густата магла е традиционална појава во Сараево со децении, главно поради загадувањето на воздухот што се наталожува во басенот каде што се наоѓа главниот град на Босна и Херцеговина.
Нивото на загадување на воздухот е десет пати повисоко од дозволеното
Сараевските медиуми го цитираат предупредувањето на експерт од Метеоролошкиот институт, Енис Кречиниќ, кој предупреди дека нивото на токсични честички во Сараево понекогаш е десет пати повисоко од дозволеното.
Според податоците од веб-страницата AirVisual, индексот на загадување на воздухот во Сараево е 186, што го квалификува воздухот како „нездрав“.
Извор: vecer.mk
