Сите пицерии и општо ресторани во Њујорк кои го користат традиционалниот начин на печење ќе треба да го намалат загадувањето што го создаваат за 75%. Секој од нив одделно ќе треба да најми архитект и инженер кои ќе требаат да им осмислат како најефикасно да го намалат загадувањето.
„Сите Њујорчани заслужуваат да дишат здрав воздух, а печките на дрво и јаглен се меѓу најголемите создавачи на штетни гасови во населбите со лош квалитет на воздухот.
Најразумното решение, до кое е дојдено во соработка со претставници на рестораните и еколозите, бара професионална ревизија за тоа дали поставување на контрола на издувни гасови е изводлива,“ порачал портпаролот на Одделот за заштита на животната средина на Њујорк, Тед Тимберс.
Новото правило ќе бара од сите пицерии кои имаат вградено печка пред мај 2016 да купат уреди за контрола на загадувањето. Сопствениците на пицерии се жалат што дури и да купат филтри за воздух од 20.000 долари, тие константно на неколку недели ќе треба да одвојуваат пари за нивно одржување.
Проблемот е и тоа што самата пица печка и обемот на нејзинот оџак се оптимизирани за да имаат совршено повлекување на воздухот, што пак ја одржува перфектната температура на печката. Секоја модификација на издувот на печката директно ќе влијае на вкусот на пицата.
Дел од критиките за законот што доаѓаат од купувачите се – нека возат милијардерите помалку приватни авиони и исто ќе помогнат во борбата со глобалното затоплување.
ИЗВОР: off.net.mk
