САД: Продолжуваат протестите во Лос Анџелес поради имиграциската политика на Трамп

ЛОС АНЏЕЛЕС (АА) – Жителите се собраа во Лос Анџелес, САД, втор ден во знак на протест поради имиграциската политика на американскиот претседател Доналд Трамп, јавува Анадолу.

Тие вееја мексикански и знамиња на Ел Салвадор и носеа транспаренти на кои пишуваше „Имиграцијата ја изгради оваа нација“, „Не ICE“, „Укинување на ICE“ и „Јас не ѝ служев на оваа земја за да го омаловажувате мојот народ“.

Првиот ден на функцијата, 20 јануари, Трамп потпиша извршни наредби за протерување на голем број имигранти, вклучително и мерки за прекинување на давањето државјанство според право на раѓање. Наредните недели Управата за имиграција и царина на САД (ICE) ги интензивираше своите секојдневни рации.

Рациите создадоа атмосфера на страв, при кои властите, наводно, ги таргетирале имигрантите.

Законот Лејкен Рајли, неодамнешна легислативна победа на Трамп, им дозволува на органите за спроведување на законот да приведат илегални имигранти што извршиле или за кои се верува дека извршиле одредени злосторства во САД.

Трамп, исто така, нареди да се подготви објект во заливот Гвантанамо на Куба за да се сместат до 30.000 мигранти.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.