ЊУЈОРК (АА) – Стотици летови се откажани или одложени во Соединетите Американски Држави (САД) поради опасност од невреме пред прославата на Денот на независноста, јавува Анадолу.
Според ФлајтАвер, повеќе од 1.700 лета биле откажани непосредно пред празникот Денот на независноста, а илјадници луѓе заглавиле на аеродромите.
Откажувањето на летовите се случи по викендот кога аеродромите имаат најголем број патници во историјата на САД.
Јунајтед Ерлајнс е авиокомпанија со најмногу откажани летови – над 200.
Оваа компанија минатата недела најави откажување или одложување на повеќе од 5.000 лета.
Националната метеоролошка служба (НМС) соопшти дека на североистокот од земјата ќе преовладуваат остри временски услови, додека во некои делови на југот се очекуваат силен ветер, невреме и град.
Повеќе од 150.000 луѓе на Среден Запад останаа без струја поради невремето во текот на викендот.
Извор: www.aa.com.tr
