САД ја потврдија поддршката за Украина

ИСТАНБУЛ (АА) – Американскиот министер за одбрана, Лојд Остин, денес ја повтори поддршката на Соединетите Американски Држави за Украина, соопшти американското Министерство за одбрана, пренесува Анадолу.

Остин телефонски разговараше со украинскиот министер за одбрана, Рустем Умеров, за случувањата на бојното поле, објави американското Министерство за одбрана на својата официјална веб-страница.

Се наведува дека разговорот, исто така, се фокусирал на тешките последици од „руските немилосрдни ракетни баражни напади врз градовите и критичната инфраструктура на Украина“.

Остин и Умеров разговараа за потребата на Украина „за дополнителна артилерија, противвоздушна одбрана… за да продолжи да се бори против руската агресија“.

„Двајцата лидери ветија дека ќе останат во близок контакт“, се додава од американското Министерство.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.