Реакцијата на официјален Вашингтон следува по наводите на Кремљ оти Украина и проукраинските борци користеле воена опрема произведена од САД за време на нападите на руската погранична територија, за што Москва изрази сомнеж за зголемено учество на Западот во воениот конфликт
Вашингтон ги испитува извештаите дека Украина користела американска воена опрема и возила при напад на руска територија, изјави портпаролот на Белата куќа, Џон Кирби, предупредувајќи ја Украина и проукраинските сили да не користат американска опрема за нивните напади на Русија.
Тој рече дека ставот на САД кон Киев бил јасен по однос на ова прашање.
„Бевме прилично јасни за ова со Украинците – не ја поддржуваме употребата на опрема произведена од САД за напади во Русија“,
изјави Кирби.
Реакцијата на официјален Вашингтон следува по наводите на Кремљ оти Украина и проукраинските борци користеле воена опрема произведена од САД за време на нападите на руската погранична територија, за што Москва изрази сомнеж за зголемено учество на Западот во воениот конфликт.
Соединетите држави, најголемиот воен снабдувач на Украина, првично ги отфрлија информациите дека во нападот била користена воена опрема од американско производство.
Извор: 360stepeni.mk
