Руски ракетен напад во близина на главниот град на Украина, повредени 2 лица

ИСТАНБУЛ (АА) – Најмалку две лица се повредени денес во близина на главниот град на Украина, Киев, во руски ракетен напад, пренесува Анадолу.

„Утринава непријателот ја нападна нашата област со ракети. Од 08:00 часот две лица побарале лекарска помош. Повредите се полесни“, објави на Фејсбук Руслан Кравченко, гувернер на Киевската Област.

Истакнувајќи дека на местото на нападот се обезбедува медицинска помош, Кравченко додаде дека шест високи згради и повеќе од 20 приватни куќи биле исто така оштетени од остатоците на ракетите.

Оштетени се и бензински пумпи, аптеки и административна зграда.

„Оперативните служби на теренот продолжуваат да ги снимаат и елиминираат последиците од ракетниот напад“, рече тој, додавајќи дека повеќе детали ќе бидат дадени подоцна.

Микола Олешчук, командантот на Украинските воздухопловни сили, преку Телеграм објави дека противвоздушната одбрана во Киевската Област соборила две од три крстосувачки ракети Калибр лансирани од Русија.

Олешчук не кажа што се случило со третата ракета.

Руските власти досега немаат излезено со изјава за тврдењата на Украина.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.