Руската и американската делегација одржаа состанок во Истанбул за нормализација на односите

ИСТАНБУЛ (АА) – Делегациите на Русија и Соединетите Американски Држави (САД) денес одржаа шест и полчасовна средба во резиденцијата на Генералниот конзулат на САД во Истанбул на која разговараа за работата на нивните амбасади како дел од нормализацијата на односите меѓу двете земји, соопштија извори, јавува Анадолу.

Состанокот започна во 9:50 часот по локално време, а заврши во 16:20 часот.

По седницата руската делегација ја напушти резиденцијата и не даде изјава.

Првата средба меѓу делегациите на двете земји се одржа на 18 февруари во Ријад, Саудиска Арабија, и на неа се разговараше за билатералните односи и напорите за ставање крај на над тригодишната војна во Украина.

Во меѓувреме, во тек се подготовките и за средба меѓу американскиот претседател Доналд Трамп и рускиот претседател Владимир Путин.

Туркије ја потврди својата подготвеност целосно да ги поддржи мировните напори, меѓу останатото и да биде домаќин на преговорите.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.