Со ова Абрамсите се најдоа на листата на жртви на украинските „гробишта на тенкови“ на која изминативе шест месеци се запишаа најтешките тенкови на Германија и Британија, Леопард и Челенџер. Како што пишува Нешнл интерест, воведувањето на западните тенкови беше отежнато и од комплицираната обука што требаа да ја минат украинските екипажи инаку навикнати на советски модели.
Снимките од уништувањето на тенковите беа веднаш употребени од руската пропаганда, а руски војници се снимаа како му заблагодаруваат на Бајден за испраќањето тенкови бидејќи им овозможил да си купат станови (руската армија дава високи парични награди посебно за секој уништен западен тенк).
САД минатата година се обврза дека ќе и испорача на Украина 31 М1 Абрамс тенк. Тогаш дел од експертите уверуваа дека тенковите ќе го сменат соодносот на силите на фронтот во корист на Киев, нешто што до сега не успеа.
Освен потешкотиите во совладувањето на обуката, проблематичен е и малиот број на тенкови кои се испратени во Украина. Освен 31 Абрамс, Украина доби 14 Челенџер 2 тенкови и 80 Леопард 2. Процените се дека за судирот со Русија на Украина и се потребни стотици вакви тенкови.
Како и со добар дел од американската помош и со Абрамсите проблем е што стигнаа кога веќе беше доцна, па така тие влегоа во борба дури пред еден месец, далеку по почетокот на украинската контраофанзива.
„Украина стана гробница на тенкови, и без разлика дали американските воени функционери сакаат да го признаат тоа, трите М1 Абрамс се само дополнителни лешеви.
Тие гореа како и другите тенкови – и како илјадниците тенкови пред нив,“ пишува Питер Сику во текстот за Нешнл интерест.
ИЗВОР: off.net.mk
