МОСКВА (АА) – Руското Министерство за одбрана започна обемни поморски вежби со околу 300 воени бродови и глисери од Северната, Пацифичката и Балтичката флота, како и од Касписката флотила, јавува Анадолу.
Вежбите имаат за цел да ја проценат координацијата меѓу различните воени ограноци и подготвеноста на екипажите на бродовите, единиците на поморската авијација и крајбрежните сили, соопшти Министерството.
Вежбите, во кои се вклучени и до 50 авиони, над 200 единици воена и специјална опрема и повеќе од 20.000 војници, ќе имаат над 300 борбени сценарија.
Тие ќе опфатат противвоздушно ракетно и артилериско гаѓање на поморски и воздушни цели, распоредување на покривни пречки за заштита на силите и противподморничко војување од бродови и авијациски единици.
Извор: Anadolu Agency (AA)
