Русија тврди дека Украина планира да нанесе „систематска штета“ на нуклеарната централа „Запорожје“

ИСТАНБУЛ (АА) – Русија тврди дека Украина планира да нанесе „систематска штета“ на нуклеарната централа „Запорожје“, пренесува Анадолу.

„Сега тие започнаа со план за ‘свој спас’: систематско нанесување штета на нуклеарната централа ‘Запорожје’“, истакна портпаролката на руското Министерство за надворешни работи, Марија Захарова, во изјавата објавена на Телеграм.

Захарова нагласи и дека претстојниот Самит на НАТО во литванскиот главен град Вилнус, кој ќе се одржи овој месец, треба да го посвети своето примарно внимание на ова прашање: „На крајот на краиштата, огромното мнозинство од членките на Алијансата ќе бидат во зоната на директен пораз.“

Нејзиниот коментар дојде како одговор на изјавата на заменик-министерката за одбрана на Украина, Хана Малиар, по повод 500. ден од руско-украинската војна.

Малиар на Телеграм објави дека поминале 273 дена од „првиот напад“ на мостот во Крим, изведен „со цел да се разбие логистиката на Русите“.

На 8 октомври се случи експлозија на Керченскиот мост, патна и железничка траса што е единствена копнена врска на Русија со полуостровот Крим, кој го анектира од Украина во 2014 година, потег што меѓународната заедница, вклучително и Туркије и Генералното собрание на Обединетите нации го осудија за нелегитимен.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..