МОСКВА (АА) – Руското Министерство за одбрана денес соопшти дека системите за противвоздушна одбрана на земјата спречиле напади на украински беспилотни летала врз воени објекти на Крим, јавува Анадолу.
Портпаролот на Министерството, Игор Конашенков, изјави дека биле соборени шест беспилотни летала, а уште четири биле неутрализирани по електронски пат.
„Немаше жртви и разорувања“, истакна Конашенков.
Тој додаде дека уште 15 беспилотни летала биле соборени во борбената зона во источна Украина.
Во март 2014 година, Русија го анектира украинскиот полуостров Крим, што беше осудено од Генералното собрание на Обединетите нации, Европската Унија и САД.
Руските власти вчера објавија дека имало повеќе обиди за напади со беспилотни летала во неколку региони кои граничат со Украина.
Извор: www.aa.com.tr
