Русија: Спречен украински напад на московскиот аеродром „Внуково“

МОСКВА (АА) – Русија денес соопшти дека пет украински дрона биле уништени во обид за напад на московскиот аеродром „Внуково“ и други објекти, пренесува Анадолу.

Во соопштението, руското Министерство за одбрана наведе дека четири дрона биле соборени од системите за противвоздушна одбрана, додека еден останал заглавен на територијата на Одинцово во Московската Област.

Одделно, Федералната агенција за воздухопловен транспорт, Росавијација, објави дека неколку лета биле пренасочени од аеродромот „Внуково“.

Според Агенцијата, нормалното одвивање на сообраќајот е обновено по 08:00 часот по московско време.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..