Се заострува реториката помеѓу двајцата највлијателни светски лидери Доналд Трамп и Владимир Путин откако не се постигна договор за прекин на огнот во Украина.
При последниот телефонски разговор помеѓу Рускиот и Американскиот претседател, рускиот лидер јасно ставил до знаење дека планира понатамошна ескалација на војната со Украина.
Според американски извори, Путин најавил нова руска офанзива која ќе започне во следните 60 денови со цел руските сили да стигнат до административната граница во областите што Путин ги смета за свои. Истиот американски извор тврди дека Трамп му ја пренел оваа информација на францускиот претседател Емануел Макрон.
Заканите упатени од страна на Рускиот претседател за нова ескалација во Украина и нови напади од Руска страна го предизвикаа првиот човек на САД да ја зголеми американската поддршка за Украина за што Трамп најави нова пратка на современи ракетни системи-патриот кои според претседателот на САД ќе ја подобрат одбраната на Украина….
Доналд Трамп, претседател на САД
„ЌЕ ИМАМ СРЕДБА СО СЕКТРЕТАРИЈАТОТ И ГЕНЕРАЛИТЕ УТРОВО И ЌЕ ДОНЕСЕМЕ ОДЛУКА ДА ИМ ИСПРАТИМЕ СОФИСТИЦИРАНА ОПРЕМА ЗА ШТО ЌЕ ПЛАТАТ 100% ОД СУМАТА, И ТОА Е НАЧИНОТ НА КОЈ НИЕ РАБОТИМЕ, ЌЕ ИМ ГИ ИСПРАТИМЕ РАКЕТИТЕ „ПАТРИОТ“, КОИ ИМ СЕ ОЧАЈНО ПОТРЕБНИ, БИДЕЈЌИ ПУТИН НАВИСТИНА ИЗНЕНАДИ МНОГУ ЛУЃЕ. ЗБОРУВА УБАВО, А ПОТОА НОЌЕ БОМБАРДИРА СÈ. НО, ИМА МАЛ ПРОБЛЕМ. НЕ МИ СЕ ДОПАЃА“ изјави Трамп
Инаку, Во моментов, Москва контролира околу 20 отсто од територијата на Украина, вклучувајќи речиси цела Луганска област, две третини од Доњецка, како и делови од Запорижка и Херсонска област. Руските власти во 2022 година прогласија анексија на овие територии по спроведување лажни референдуми, кои не се признати од меѓународната заедница.
Извор: 24vesti.mk
