МОСКВА (АА) – Власите на Русија и Унгарија потпишаа план за изградба на нуклеарната електрана (НПП) Пакс-2 во Унгарија. Се очекува електраната да биде завршена до 2030 година, известува Анадолу.
Потписник од руската страна беше шефот на руската државна корпорација за нуклеарна енергија Росатом, Алексеј Ликхачев, додека потписник од страна на Унгарија беше министерот за надворешни работи, Петер Сијарто.
Росатом објави дека Ликхачев им се обратил на присутните на градилиштето во градот Пакс и ветил дека ќе посветат особено внимание на проектот на нуклеарната електрана Пакс-2 и на него ќе ги насочат најдобрите сили.
Сијарто во таа прилика рече дека Унгарија нема да ги поддржи санкциите кои влијаат на соработката со Русија.
Нуклеарната електрана Пакс е изградена од страна на руските експерти во 1980 година и обезбедува половина од вкупно произведената и третина од потрошената електрична енергија во Унгарија.
Во оваа електрана на брегот на Дунав, околу 100 километри јужно од Будимпешта, во моментов работат четири блока, а во тек е изградба на нови постројки, односно петтиот и шестиот блок.
