Руперт Мардок ја откажа свршувачката со Ен Лесли Смит

April 5, 2023
2 mins read

Руперт Мардок ја откажа свршувачката со неговата идна петта сопруга Ен Лесли Смит само неколку месеци пред да се венчаат.

92-годишниот медиумски тајкун ја објави својата свршувачка пред само две недели, кога рече дека 66-годишната радио водителка ќе му биде „последна“ сопруга.

Таа беше видена минатата недела како носи свршенички прстен од 11 карати со дијамант за кој се вели дека вреди околу 2 милиони фунти, а беше планирана и летна свадба, но извори потврдија за Телеграф дека виорот романса сега е завршена.

Списанието „Венити фер“ тврдеше дека на Мардок „се повеќе му било непријатно“ со отворените евангелски ставови на неговата свршеница.

Според други извештаи, двојкатадошла до „заемна одлука“ по дискусија во понеделникот вечерта, за време на која Смит рече дека се бори да се справи со тоа што е во очите на јавноста.

Мардок се разведе од својата четврта сопруга, моделот и актер Џери Хол, минатата година, а првпат беше виден со Смит во јануари, кога беа забележани на заеднички одмор во Барбадос.

Мардок по неговата свршувачка во март изјави: „Бев многу нервозен. Се плашев да се вљубам – но знаев дека ова ќе ми биде последно. Подобро да биде. Среќен сум.”

Тој сугерираше дека очекува долг брак велејќи дека „и двајцата со нетрпение очекуваме да ја поминеме втората половина од нашиот живот заедно“, но сега изгледа дека се одљубил исто толку брзо како што се заљубил.

Смит и Мардок се сретнаа минатиот септември на настан во неговото лозје во Калифорнија. Тоа беше само еден месец откако Мардок и Џери Хол се разведоа.

Смит е позната како свештена Ен во нејзината волонтерска улога како полициски капелан, што следеше по нејзиното откривање на евангелистичкото христијанство по крајот на нејзиниот прв брак. Таа во минатото рекла дека: „Додека почнав да одам со Бог, работите на светот едноставно ми изгледаа бесмислени“.

Таа го опиша својот однос со Мардок како „дар од Бога… зборувам на јазикот на Руперт. Ги делиме истите верувања“. Таа додаде во интервју минатиот месец: „Во перспектива, тоа не е моето прво родео. Да се дојде до 70 значи да се биде во последното полувреме. Го чекав вистинското време. Пријателите се среќни за мене“.

Смит работеше како дентален хигиеничар по напуштањето на универзитетот, а потоа стана модел, радио новинар и пејачка и текстописец. Таа зборуваше во минатото за „навредливиот“ прв брак со Џон Б Хантингдон, наследник на железницата, кој ја остави на работ на самоубиство и за тоа дека ќе остане бездомник во периодот кога нејзиниот брак заврши.

Таа се сврте кон христијанството и почна да проповеда на улица во Калифорнија, а подоцна се омажи за пејачот на кантри музиката Честер Смит, издавајќи албум со него во 2005 година. Кога тој почина во 2008 година, таа заврши во судска битка со нејзините поќерки за неговото богатство.

Првиот брак на Мардок беше во 1956 година со водителката Патриша Букер, мајката на неговото најстаро дете Пруденс.

Во 1967 година се разведоа и истата година се ожени со новинарката Ана Торв, мајка на Елизабет, Лахлан и Џејмс Мардок.

Нивниот брак заврши во 1999 година, а 17 дена подоцна тој се ожени со Венди Денг, која беше 38 години помлада од него и работеше за неговата ТВ мрежа СТАР. Двојката имаше две ќерки, Грејс и Клои.

Мардок поднесе барање за развод од Денг во 2013 година, а во 2016 година се ожени со Хол, која беше 25 години помлада од него. Тие се разведоа во август 2022 година.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Активности на еко-патролата на „Комунална хигиена“ во општина Карпош

Следно

Две жени и еден маж нападнати од улични кучиња

Latest from Blog

Над 30% од граѓаните сметаат дека ВМРО-ДПМНЕ најдобро се справува со локалните проблеми

Институтот за политички истражувања Скопје, за потребите на МРТ подготви анкета за локалните избори за актуелните општествени случувања и за рејтингот на политичарите и партиите. Од резултатите презентирани вечерва во емисијата „Објектив“,

ВМРО-ДПМНЕ со двојно поголема поддршка од СДСМ во најновата анкета

Најновата анкета на јавното мислење, објавена вечерва на Македонската радио-телевизија во пресрет на локалните избори, покажува дека владејачката ВМРО-ДПМНЕ има повеќе од двојно поголем рејтинг во однос на СДСМ. На прашањето за

Венс за Чарли Кирк: Тој е најпаметниот политички оперативец што сум го запознал – му должам многу!

Американскиот потпретседател Џ.Д. Венс, кој денес е водител на „Шоуто на Чарли Кирк“ во спомен на починатиот американски патриот, кој беше застрелан минатата недела, рече дека „заменува некого кој не може да

Стаменкоска Трајкоска: Подготвени сме за победа – за наша Кисела Вода!

Кандидатката за градоначалник на општина Кисела Вода Бети Стаменкоска Трајкоска, беше на кафе-дружба со носителката на советничката листа, Светлана Колариќ, претседателот на ОК, Иван Живковски, и идните советници од коалицијата „Твоја Македонија“.
Go toTop