Капитенот на Тотенхем, Кристијан Ромеро, е прогласен за најдобар играч во Лигата на Европа за сезоната 2024/25.
Тотенхем го победи Манчестер Јунајтед во средата навечер, а еден ден подоцна, Европската фудбалска централа (УЕФА) го објави најдобриот играч на сезоната во второто најсилно натпреварување.
Ромеро одигра седум натпревари во Лигата на Европа оваа сезона. УЕФА истакнува дека тој имал 91 процент точни додавања, што е само еден од статистичките параметри што Техничкиот комитет ги зел во предвид.
Ромеро беше и играч на натпреварот во финалето, а комитетот даде кратко објаснување за својата одлука: „Ромеро покажа доминантна игра од почетокот до крајот на сезоната“.
Ромеро не пропушти ниту една минута од натпреварите во четвртфиналето, полуфиналето и финалето.
Наградата за играч на сезоната во Лигата на Европа, пред капитенот на Тотенхем, ја освоија Пјер-Емерик Обамејанг (2023/24), Хесус Навас (2022/23), Филип Костиќ (2021/22), Жерар Морено (2020/21), Ромелу Лукаку (2019/20) и Еден Азар (2018/19). (МИА)
Извор: kurir.mk
