Заедно со претставници на @UNDP MK денес посетивме неколку бизниси во Радовиш и Гевгелија, кои се помогнати со мерката „Поддршка за создавање нови работни места преку зелени инвестиции“.
За време на посетата во Радовиш, ги посетивме козметичкото студио ТАНС во Радовиш, како и продавницата за телефонска галантерија „Моби шоп Серџо“, објави заменик министерот за економија и труд Марјан Ристески на фејсбук.
-Во Гевгелија најпрво го посетивме Центарот за рециклирање – Компанијата Прогрес Груп Компани која е корисник на „зелената мерка“ со поддршка за зелена инвестиција и отворање нови работни места, како и пчеларската фарма „Алчинов“ кој го основа својот бизнис преку програмата „Самовработување“- потенцира Ристески.
Министерството за економија и труд, заедно со Агенцијата за вработување и останатите партнери, преку оперативните програми ќе продолжиме со поддршката за отворање на нови бизниси и работни места, нотира во објавата Ристески.
ИЗВОР: kurir.mk
