Во 16-то коло од шпанската Примера, Реал иако значително ослабен освои три бода на гостувањето кај Депортиво Алавес победувајќи со 1:2. На овој начин, најверојатно, Чаби Алонсо ќе го продолжи својот престој на клупата на славниот клуб.
Реал Мадрид одигра просечен меч, но сепак, успеа да дојде до трите бода. Мбапе во 24-тата минута отвори за 0:1, а во вториот дел домашните успеаја да дојдат до израмнување со голот на Висенте.
Мартинез ја пропушти шансата да го донесе Алавес и до 2:1, по што казната стигна по одличната акција меѓу Бразилците Винисиус Жуниор и Родриго, кој погоди за конечни 1:2 . Ова е втор гол на Родриго оваа недела, по оној што го постигна против Манчестер Сити.
Извор: vecer.mk
