Реал Мадрид и Борусија Дортмунд синоќа ја оправдаа фаворитската улога и се пласираа меѓу осумте најдобро на Светското клупско првенство каде ќе имаат меѓусебен дуел.
Многумина можеби очекуваа и братски дуел на ѕвездата на Реал Мадрид Џуд Белингем со неговиот помал брат кој ова лето потпиша за Борусија Дортмунд, Џоб Белингем, но тоа нема да се случи.
Причината е што Џоб Белингем нема да може да настапи на мечот поради жолти картони. Синоќа беше под закана за суспензија ако добие уште еден жолт картон, за жал го доби и нема да биде во комбинација за следниот меч на Борусија Дортмунд на СКП, а тоа е баш дуелот против Реал Мадрид.
Извор: kurir.mk
