Разбиен шверц на дрога на балкански картел, запленети 2,7 тони кокаин близу Канарските Острови

September 1, 2023
1 min read

ОВИЕДО (АА) – Шпанската полиција, заедно со уште неколку други агенции за спроведување на законот, му зададе тежок удар на балкански наркокартел запленувајќи 2,7 тони кокаин недалеку од брегот на Канарските Острови, соопшти денес полицијата, јавува Анадолу.

Шпанската полиција уапси две од лицата на бродот, а српската полиција уапси уште четворица поврзани со шверцот на дрога. Според Европол, во операцијата фатен е еден од главните организатори на криминалните мрежи.

Српската полиција почна да го истражува картелот на почетокот на 2022 година, откако се посомневала дека ја координира трговијата на големо на кокаин од Јужна Америка во Европа. Уште неколку други агенции за спроведување на законот од Бразил, Хрватска, Франција, Полска, Португалија, Шпанија и Словенија, исто така, започнаа со следење на групата.

Во исто време, со отстранувањето на алатките за шифрирана комуникација што ги користат многу криминалци, како Encrochat, Sky ECC и Anom, откри дека државјани на земјите од регионот на Балканот играат клучна улога во глобалната трговија со кокаин, посочи Европол.

По следењето на оваа организација, властите почнаа да забележуваат модели на трансфер. Водачот на организацијата патувал во Шпанија неколкупати користејќи лажна идентификација. Разузнавањето исто така откри дека украински и чешки капетани патувале неколку пати до Островите Зелен ‘Рт или други локации во Западна Африка за да ги подготват бродовите за шверцот.

Властите, исто така, увиделе дека членовите на организацијата одржувале состаноци со латиноамериканските набавувачи на дрога во Хрватска и патувале во земји како Колумбија и Бразил.

На крајот, властите забележале голема едрилица како товари кокаин во Бразил. Откако е потврдено дека бродот плови кон Шпанија, властите добија дозвола да го запрат и да го пребараат бродот.

По претресот на едреникот, шпанската полиција пронашла 2,7 тони кокаин сокриен во 89 торби. При влечењето на бродот од страна на полицијата кон брегот, тој потонал, што го покажува методот на криминалните организации често да користат стари бродови кои можат да ги купат за релативно ниски цени за да го максимизираат профитот, според шпанската полиција.

Откако Шпанија ја откри дрогата, српската полиција го направи својот потег. Покрај четирите апсења, таа изврши рации во 15 домови, одземајќи 550.000 евра, две возила од висока класа и луксузни часовници. Блокирани се и неколку банкарски сметки и недвижен имот како дел од тековната финансиска истрага.

Во полицискиот извештај се наведува дека оваа операција ефективно ја разбила групата и дека можни се и други апсења.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Ковачевски: Седницата за уставни измени ќе продолжи кога ќе се создадат услови

Следно

ЕУ увезува рекордно количество течен природен гас од Русија

Latest from Blog

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,
Go toTop