Промоцијата на нејзиниот нов албум „Am I The Drama?“ привлекува внимание уште од неговото објавување минатиот петок, а сега таа официјално го запиша своето име во Гинисовата книга на рекорди со подвиг што комбинира музика, маркетинг и футуристичка технологија.
Доставата со дрон стана историја
Карди Би откри дека нејзиниот тим не само што ги преплавил улиците со промотивни материјали, туку „лебдел во небото“. Во партнерство со американскиот синџир продавници „Walmart“, „Atlantic Records“ и компанијата „Wing Drone Delivery“, раперката организираше маркетиншка кампања во која дроновите доставуваа пакети инспирирани од албумот.
Според извршната директорка на „Guinness World Records“, Кајли Галовеј, овој потег влезе во историјата: „176 испораки со дрон за само еден час, со што Карди и нејзиниот тим ја добија титулата за најмногу испораки со дрон за еден час“.
Исто така, многумина тврдат дека Карди Би докажува дека промовирањето на албум во 2025 година не мора да вклучува лепење постери или постојано повторување на трендовите на „TikTok“. „Таа буквално ја испушта иднината од небото“, изјави еден од нејзините обожаватели.
Продажбата расте, а нема недостаток на драма
Се чини дека нејзиниот ризик се исплати. Првичните проценки за продажбата на „Am I The Drama?“ брзо растат, а се предвидува дека би можел да доминира на топ листите на „Билборд“ во наредната недела. Обожавателите на интернет воодушевени беа и за музиката и за спектакуларната промоција, фалејќи ја Карди за тоа што остана автентична.
Но, драмата не е само во насловот. Верна на својот стил, Карди не штеди никого на албумот. Нејзините остри навреди се насочени кон Офсет, БИА, Џ.Т. и Лил Узи Верт, што веќе предизвика жестоки дебати на хип-хоп сцената.
Извор: vecer.mk
