Заменичката-генерална секретарка на НАТО, Радмила Шекеринска, учествуваше во епизода од интернет шоуто „Career Ladder“, каде водителот преку интеракција со минувачи се обидува да ја открие нивната професија за помалку од две минути.
Настапувајќи во шоуто, Шекеринска понуди неконвенционално, но впечатливо објаснување на својата работа – ја спореди со мусака, алудирајќи на комплексноста и разновидноста на задачите со кои секојдневно се соочува. Таа нагласи дека нејзината улога е насочена кон одржување и унапредување на безбедноста на над милијарда луѓе.
По серија кратки прашања, водителот успеа да ја погоди нејзината функција, откако таа откри дека нејзиниот ангажман има политичка природа и вклучува средби со светски лидери.
Овој настап претставува пример за современ пристап во комуникацијата на јавни личности со пошироката публика, користејќи хумор и пристапност за доближување на сложени професионални улоги до граѓаните.
ИЗВОР: racin.mk
