Има се повеќе знаци дека украинската контраофанзива навистина е започната. Главниот фокус на борбите останува во источна Украина, рече Киев, а судирите на југ, исто така, укажуваат на тоа дека украинските сили ја започнаа долгоочекуваната офанзива
Рускиот претседател Владимир Путин денеска на конференција во Сочи изјави дека Украина започнала контраофанзива, но дека таа не била успешна.
„Офанзивата на вооружените сили на Украина започна. Ова ја покажува употребата на стратешки резерви. Украинските трупи не ги постигнаа своите цели во ниту еден сектор – благодарение на храброста на руските војници и нашата добра организација на војниците“,
рече тој.
Има се повеќе знаци дека украинската контраофанзива навистина е започната. Главниот фокус на борбите останува во источна Украина, рече Киев, а судирите на југ, исто така, укажуваат на тоа дека украинските сили ја започнаа долгоочекуваната офанзива.
„Ситуацијата е напната во сите области на линијата на фронтот. Истокот е епицентарот. Непријателот продолжува да ги насочува главните напори во правец на Лиман, Бахмут, Авдивка и Маринка, жестоките борби продолжуваат“,
напиша украинската заменик-министерка за одбрана Хана Малиар на Телеграм.
Малиар рече дека украинските сили ги одбиваат руските напади. Серхиј Череваџи, портпарол на Источната воена команда на Украина, изјави дека украинските сили напреднале 1,2 километри во близина на Бахмут во последните 24 часа.
Извор: 360stepeni.mk
