МОСКВА (АА) – Рускиот претседател Владимир Путин денес пристигна во Киргистан, што е негова прва странска посета годинава, пренесува Анадолу.
Според прес-службата на Кремљ, неговата посета ќе започне со официјална средба со неговиот киргистански колега Садир Жапаров во државната резиденција Ала-Арча во Бишкек, главниот град на Киргистан.
Путин и Жапаров ќе имаат разговори, и ќе потпишат повеќе билатерални договори и ќе дадат изјави.
Потоа, Путин ќе присуствува на прославата на 20-годишнината од руската воена воздухопловна база во градот Кант.
Исто така денес, рускиот претседател треба да разговара со азербејџанскиот претседател Илхам Алиев.
Советот на шефови на држави на Заедницата на независни држави (ЗНД) ќе се состане в петок во Бишкек и во тесен и во проширен формат.
Истиот ден, Путин ќе има посебна средба и со таџикистанскиот претседател Емомали Рахмон.
ЗНД ги вклучува Ерменија, Азербејџан, Белорусија, Казахстан, Киргистан, Молдавија, Русија, Таџикистан, Туркменистан, Украина и Узбекистан.
ЗНД е меѓународна организација дизајнирана да ги регулира односите на соработка помеѓу некои држави кои порано биле дел од Советскиот Сојуз.
