Утрово во скопско Волково се случи пукање, при што две лица се повредени. Според првичните информации, станува збор за расправија што завршила со употреба на огнено оружје. Едно од повредените лица е во тешка состојба и се бори за живот.
„Едно лице пукало кон соседите, при што има повредени“, соопштија од МВР, нагласувајќи дека информациите се сè уште првични.
На местото на настанот има засилено полициско присуство, а пристигнати се и екипи на Брза помош.
Се очекуваат повеќе детали по завршувањето на истрагата.
ИЗВОР: racin.mk
