Пукање во фабриката на „Мерцедес“ во Германија, има мртви

1 min read

Осомничениот е приведен по пукањето во Синделфинген, соопшти полицијата во блискиот град Лудвигсбург

Две лица починаа во смртоносна престрелка што се случи утринава во фабриката на „Мерцедес Бенц“ во Jугозападна Германија. Локалната полиција на Твитер претходно објави дека едно лице починало, додека друго е тешко повредено. Не е познато дали вториот починат е повреденото лице.

Од полицијата додаваат дека „веќе нема никаква опасност за вработените во фабриката“.

Осомничениот е приведен по пукањето во Синделфинген, соопшти полицијата во блискиот град Лудвигсбург.

„Полициска операција во моментов е во тек во близина на фабриката. Полицијата и спасувачите се на должност“,

објавија претходно на Твитер полициските сили.

„Мерцедес Бенц“ потврди дека инцидентот се случил во Синделфинген и е во контакт со властите.

„Ние сме во контакт со властите и се обидуваме да ги разјасниме фактите. Безбедноста на вработените е на прво место“,

се вели во соопштението на компанијата, пренесе „Скaј њуз“.

Извор: 360stepeni.mk

Претходно

Пакистан: Деветмина загинати за време на протестите по приведувањето на Имран Кан

Следно

„Со поглед кон Европа“, почна чествувањето на јубилејот 15 години Лекторат по македонски јазик во Риека

Latest from Blog